Këngëtarja me origjinë nga Kosova, Rita ORA në një intervistë, për revistën GQ, ka folur edhe për lidhjet e saj me Kosovën, dhe nëse do të pranonte të këndonte në Beograd.
Ajo tha se nuk e ka problem të këndojë në Beograd, edhe pse ky veprim sipas saj do të mund të merrte konotacion politik, dhe do të mund të keqkuptohej nga publiku.
Ajo tha se është e vetëdijshme për këtë fakt, dhe se Kosova ka vuajtur shumë vetëm për të arritur pavarësinë.
“Për këtë edhe kemi luftuar”, ka thënë ORA për edicionin britanik të GQ, duke shtuar se beson se edhe njerëzit në Serbi e dijnë se si ndjehesh kur lufton për diçka.